अब कुटाइ खाने पालो भरतमोहनको

माधव नेपाल नेतृत्वको सरकारका पालामा अर्थमन्त्री सुरेन्द्र पाण्डेले बजेट पेस गर्न लाग्दा माओवादी सभासद्हरूको कुटाइ खाए थे अब भरतमोहन अधिकारीले कांग्रेसको हातबाट पिटाइ खाने स्थिति देखिएको छ । किनकि कांग्रेसले पनि माओवादीको सिको गर्दै बजेट ल्याउन नदिने भन्दै अधिवेसन नै हुन नदिने तयारी गरेको छ ।
कांग्रेस सहितका प्रतिपक्षी ११ दलले सोमबारबाट सुरु हुने व्यवस्थापिका संसदको बजेट अधिवेशन चल्न नदिने भएका छन् । आइतबार सिंहदरवारमा बसेको ११ दलको बैठकले सरकारलाई बजेट ल्याउन नदिनअधिवेशन नै चल्न नदिने निर्णय गरेका हुन् । सरकारले शान्ति र संविधान निर्माणलाई ओझेलमा पार्ने गरी बजेट ल्याउन खोजेको भन्दै ११ दलले अधिवेशन नै चल्न नदिने निर्णय गरेका हुन् ।
सरकारले शान्ति र संविधान निर्माणलाई ओझेलमा पार्ने गरी बजेट ल्याउन खाजेकोले त्यसलाई रोक्न भोलीदेखि नै अधिवेशन चल्न नदिने निर्णय भएको बताइएको छ ।  ११ दलले शान्ति प्रक्रियालाई निष्र्कषमा पुर्‍याउने र संविधान निर्माण गर्नेबारे सहमति नभएसम्म बजेट ल्याउन नदिने निर्णय गरेका छन् । प्रतिपक्षी ११ दलले यसअघि नै जेठ १४ अघि बजेट नल्याउन आग्रह गर्दै प्रधानमन्त्री र सभामुखलाई ज्ञापन पत्र बुझइसकेका छन् । बजेट अधिवेशनका रुपमा चिनिने संसदको बर्खे अधिवेशन सोमबारदेखि सुरु हुँदैछ ।