लादेनको मृत्युप्रति अझै आशंका

अमेरिकी सेनाले पाकिस्तानको राजधानी इस्लामावादनजिक अवस्थित अबोतावादमा अलकायदाका नेता ओसामा बिन लादेनलाई मारेको समाचार

सोमबार बिहानै संसार भरि सनसनि छाएपनि यसबारे पाकिस्तानमा चाहिँ अनेक किसिमका आशंका र अड्कवाजी हुन थालेका छन् ।
मुलत लादेनको शव जसरी गुपचुप बनाइयो र उनको मृत्यु जुन ठाँउमा भयो भनी प्रचार गरियो, त्यसले पनि पाकिस्तानी जनतामा बढ्ता आशंका जन्माएको हो । घटनामा पाकिस्तानी सरकारको रबैया देखेर यहाँका जनता झनै अन्योलमा परेका  छन् ।
लादेनको मृत्युसम्बन्धी समाचारलाई शंकास्पद बनाउन उनी बसेको भनिएको घर नै प्रयाप्त छ । त्यो घर त्यस्तो इलाकामा छ कि पाकिस्तानको प्रसिद्ध र ठुलोमध्येको सैन्य प्रशिक्षण केन्द्र ुकाकुल एकेडेमीु त्यहाँबाट पुग नपुग एक किमि दुरीमा अवस्थित छ । झ्यालमा पर्दासमेत नहालिएको र लादेनलाई चाहिने सामान्य सुबिधा पनि नभएको सो घर पाकिस्तानको सैन्य क्षेत्रभित्रै पर्ने घर हो र जहाँ पाकिस्तानी सेनाको अनुमतिविना मान्छे त के कुकुर पनि प्रवेश गर्न सक्दैन ।
सरकारी सैन्यको प्रभावक्षेत्रमा अवस्थित यस्तो घरमा लादेनको उपस्थित सम्भव थियो भन्ने कुरा पाकिस्तानीले पत्याउन सकेको छैनन् ।
अमेरिकी राष्ट्रपति बाराक ओबामाको शब्दमा लादेन दोहोरो गोली हानाहानमा मारिएको भनिए पनि त्यहाँ दोहारो गोली हानाहान नभएको स्थानीयबासिन्दालाई कनै जानकारी छैन । भिडन्तको कुनै प्रमाण वा संकेतसम्म उनीहरुले नपाएको बताउँछन् ।