पर्यटन प्रचारको राम्रो ‘रेस्पोन्स’

पर्यटन वर्षलाई सफल बनाउन कतारस्थित नेपाली दूतावासले दोहाको लोकप्रिय सपिङ मल ‘भिलाजियो’मा नेपाल सम्बन्धी प्रवद्र्वनात्मक दृश्य सामाग्री प्रशारण गरेकोमा राम्रो प्रतिकृया प्राप्त भएको छ ।
नेपाल पर्यटन वर्ष २०११ लाई सफल बनाउन तथा मध्यपुर्वमा नेपाललाई आकर्षक पर्यटकीय गन्तव्यको रुपमा स्थापित गराउन नियोगले एक विशेष वृत्तचित्रको प्रदर्शन भिलाजियो सपिङ मलमा गत १ जुनबाट शुरुवात गरेको थियो । सो वृत्तचित्रको प्रदर्शन ३० जुनबाट सम्पन्न हुँदैछ । नेपालबारेका जानकारी अन्तर्राष्ट्रिय भाषा अंग्रेजी र यो क्षेत्रको स्थानीय भाषा अरबी दुवैमा प्रस्तुत गरिएका थिए ।
‘राम्रै रेस्पोन्स आएको छ’ राजदूतावासका द्वितिय सचिव जय बहादुर राईले भने– ‘धेरै अरवी र अन्य विदेशीले सो सामाग्री हेरेको र नेपालबारे जानकारी लिएको समाचार पाएका छौं ।’ सो मलमा कार्यरत नेपाली युवाहरूले पनि पर्यटन प्रवद्र्वनका लागि प्रचारात्मक सामाग्रीको प्रशारण गर्ने यो उपाय प्रभावकारी रहेको बताएका छन् ।
भिलाजियोका सुरक्षाकर्मीकारुपमा कार्यरत चितवन पर्सा–४, खैरेनीका ध्रुव उप्रेतीले राजधानीसंगको कुराकानीमा नेपाली पर्यटन प्रवद्र्वनका लागि नेपाली दूतावासले सहि जग्गामा सहि तरिका अपनाएको बताएका थिए । सो प्रचारप्रसारपछि कतारबाट नेपाल जाने पर्यटकको संख्यामा बढोत्तरी आउने विश्वास राजदूत डा. सुर्यनाथ मिश्रले ब्यक्त गरेका छन् ।

सो वृत्तचित्रमा ‘नेचुरल्ली नेपाल, वान्स इज नट इनफ’ (प्राकृतिक नेपाल, एकपटक मात्रै काफी छैन)  को मुख्य नारासहित नेपालको मानचित्र, राष्ट्रिय झण्डा, प्राकृतिक मनमोहक सौन्दर्य, जङ्गल सफारी, ट्रेकिङ, प्याराग्लाइडिङ्ग, ¥याप्mिटङ तथा भगवान गौतम वुद्वको तस्वीरसहित दृश्यावली समेटिएका छन् । बृत्तचित्रमा नेपालको पर्यटनवारे जानकारी प्राप्त गर्नसकिने वेवसाइट ‘वेलकमनेपाल डट कम’ उल्लेख थियो ।
भिलाजियो सपिङ मलमा रहेका ९१ वटा साना तथा  २ वटा ठूला स्क्रिनमा प्रत्येक ६÷६ मिनटको अन्तरालमा प्रदर्शन हुन वृत्तचित्र २० सेकेण्डको रहेको थियो । सो प्रशारणका लागि मल्टी मिडिया डिस्प्ले संचालक ‘फायरङ्खलाई डट कम’संग नेपाली राजदूतावासले एक महिने सम्झौता गरेको थियो ।