रूखलाई साक्षी मानेर एक दर्जन जोडी प्रणय सूत्रमा

सिरहा जिल्लाको सिसवनी गाविसमा प्रत्येक वर्ष वैशाख संक्रान्तिको दिन लाग्ने फूलबारी मेलामा बिहीबार एक दर्जन युवायुवती प्रेमविवाह गरी प्रणय सूत्रमा बाँधिएका छन् । 

इस्वी सन छैटौं सातौं शताब्दीतिर सिरहाको महिसोया राज्यका राजा सलहेस र उनका पि्रयसी कुशमा मालिनीको प्रेम विछोड, समर्पण र वीरताका लागि प्रसिद्ध रहेको सलहेस फूलबारीमा प्रेमविवाह गर्दा दाम्पत्य जीवन सफल हुने जनविश्वास रहेको छ ।  

"राजा सलहेस र उनकी पि्रयसीको मन्दिरसँगै टाँसिएको हारमको रूखमा राजा सलहेस र मालिनी फूलको माला भएर देखापर्ने भएकाले यस ठाउँमा विवाह गर्दा जुनी-जुनीसम्म प्रेम अमर हुने विश्वासको साथ हामी पनि विवाह गरेका छौँ," प्रणयसुत्रमा बाँधिएका एक दम्पतीले भने । 

राजा सलहेस र उनका पि्रयसी मालिनीको प्रेमविवाह सफल भएकाले दुवै जना त्यहाँ रहेको हारमको रूखमा मालाको रूखमा वैशाख १ गते देखा पर्ने बताइएको छ । रासस