आजलाई बन्द सकियो, अर्को बन्द छिट्टै आउँदैछ

नेवाः ताम्सालिङ संयुक्त संघर्ष समितिले बुधबार काठमाडौं उपत्यका र आसपासका जिल्लामा आहृवान गरेको बन्द सकिएको छ । काठमाडौंको बसन्तपुरमा सभा गरेर दिउँसो साढे ३ बजेदेखि बन्द समापनको घोषणा गरिएको नेवाः स्वायत्त राज्य मंकाः संघर्ष समितिका अध्यक्ष राजभाइ जकःमिले

जानकारी दिनुभयो । अब यातायात र बजार निर्वाध रुपमा सञ्चालन हुन सक्ने उहाँले बताउनुभयो ।

जेठ १४ मा संविधान जारी हुनुपर्ने, राज्य पुनर्संरचनाको कामलाई अघि बढाउनुपर्ने, जातीय अधिकार सुनिश्चित हुनुपर्ने लगायतका माग गर्दै समितिले बुधबार बन्द आहृवान गरको थियो । बन्दका कारण बुधबार बिहानैबाट नेवार र तामाङ बाहुल्यता रहेको जिल्लामा जनजीवन प्रभावित भएको थियो ।