लेबनान लाइभ

होम कार्की
लम्जुङकी २१ वर्षीया सोनु तामाङ बेरुतमा भएको लाइभ कन्सर्टमा मज्जैले झुमिरहेकी देखिन्थिइन् । विदेश आएपछि स्वदेशको माया निकै लाग्दोरहेछ, सोनु भन्दै थिइन्, जुन यता आएपछि  मात्रै बुझिँदोरहेछ ।

तीन वर्षअघि मात्रै लेबनान पुगेकी सोनु स्टेजमा गायक उजन नेवाङले देशभक्ति गीत गइरहँदा थप उत्साहित भइन् । यहाँ देशको संगीतमा मनोरञ्जन लिन सिडी प्लेयर मात्रै माध्यम हो, उनीले भनिन्, यसरी नेपालबाट कलाकार आएर लाइभ कन्सर्ट कमैले मात्र गर्छन् ।
गैरआवासीय नेपाली संघ लेबनानका अध्यक्ष डिल्ली पौडेल भने धेरै खर्चिलो हुनुका साथै भिसा पाउन गार्‍हो हुने भएकाले कलाकारलाई ल्याएर मनोरञ्जन दिलाउन निकै समस्या हुने तर्क गर्छन् । कामका लागि लेबनान हानिएका नेपालीका लागि यतिखेर स्वदेशी संगीतको स्वाद चखाउने काम भने पामा प्रोड्रक्सनले दिलाएको हो । त्यसका लागि उसलाई ओएमटी वस्र्टन युनियन मनी ट्रान्सफरु ले सहयोग गरेको थियो ।
यहाँ बढीजसो घरेलु काम गर्ने दिदीबहिनीहरू छन्, कन्सर्टको मञ्जा लिँदै गरेकी अर्की रोजी तामाङले भनिन्, यहाँ धेरैजसो दिदीबहिनीहरू रहर भएर पनि आउन  पाएका छैनन् ।
गायक नेवाङ र गायिका शशि रावलले देशभक्ति, आधुनिक र पप गीतहरू गाउँदा सहभागीहरू झुमिरहेका थिए । झन् त्यसमा संगीतकारहरू भीम केरुङ, कृष्ण लिम्बू, सागर तामाङ र वेद नेपालको प्रत्यक्ष संगीतले सहभागीहरू दंग थिए । दुईपटक भएको लाइभ कन्सर्ट मा टाढाका सहरदेखि नेपाली कामदारहरू बेरुत आएका थिए । कति घरमालिक आफ्ना कामदारलाई लिन र पुर्‍याउन कार्यक्रम स्थलमै आइपुगेका थिए । नेपालीको माया पाएर हामी निकै खुसी छौं, गायकरगायिकाहरूले कार्यक्रमपछि भने, उहाँहरूप्रति निकै आभारी छौं ।
आयोजक पामा प्रोडक्सनका प्रमुख पामा गोत्राले लेबनानमा पनि नेपाली संगीतिक कार्यक्रमको सुरुवात भएको बताए । मलाई नेपालीको माया छ  । नेपाली दाजुभाइ दिदीबहिनीहरू धेरै मन पर्छ, उनले भने, उहाँहरूलाई  विदेशमा आफ्ना संगीतमा मनोरञ्जन दिलाउन सहयोग गर्छु ।