मनभरी त्रासदी र पीडा बोकेर फर्किन गोमा र गायत्री

साउदी अरब । ४ बर्ष अघि आफ्नै मामा जित बहादुर खाती र स्थानिय सुरेश तामाङ मिलेर बेचेछन सोनापुर(२ सुनसरीकी २० बर्षिया गायत्री बिकलाई ।

बम्बैमा पनि नेपाली दलाल नै रहेछन बिनोद लामा जसले साउदी अरबको हायलमा अल साउद अब्दुल अजिज नामका साउदीलाई बेचेछन । साउदीको घरमा उनले बिताएको ४ बर्ष उनकै लागि पनि कहालीलाग्दो रह्यो । पछिल्लो १ बर्षमा त उनले कुनै पनि पारिश्रमिक पनि पाइनन, तलब माग्दा उल्टो करेण्ट लगाएर मारिदिने धम्की पाइन उनले साउदी मालिकबाट । भनेको नमान्दा कुटपिट सहनुपर्थ्यो उनले । बल्लतल्ल उनी नेपाली जनप्रगतिशिल मञ्च साउदी अरबको सम्पर्कमा आइन र आखिर मञ्चकै पहल र सहयोगमा रियादबाट ८०० कि।मी। टाढाको हायल शहरबाट उनलाई नेपाली राजदूतावास रियाद सम्म पुर्याइयो । साउदी अरबमा यसरी साउदीको घरबाट हाउसमेड भगाएर यती टाढा रहेको दूतावाससम्म पुर्याउनु खर्चिलो मात्र होइन, अत्यन्तै जोखिमपुर्ण कार्य पनि हो । नेपाली दूतावासबाट कागजी प्रकृया पूरा गरेर केही समय दूतावासकै सेल्टरमा रहेपछि एनआरएनए साउदी अरबको महिला उद्धार कोषबाट स्वदेश फिर्तिको हवाई टिकट उपलब्ध भएपछि गतः २३ जुलाईमा घर फर्किन पाइन गायत्रीले ।
गायत्रीसंगै एनआरएनए साउदी अरबको उक्त कोषबाट हवाई टिकट सहयोग पाइ घर फर्किने अर्की महिला हुन हासपोसा(२ सुनसरीकै १७ बर्षिय गोमा गिरी । साउदी अरब प्रबेश गरेदेखिनै उनीमाथी घर मालिकले अनैतिक कार्य गर्ने र नमान्दा कुटपिट समेत गर्न थालेपछि उनी २ महिना पनि उक्त घरमा टिक्न सकिनन र २ महिनामै उक्त घरबाट भागेपछि साउदी प्रहरीले फेला पारी नेपाली दूतावास रियाद पुर्याइदिएछन । नेपाली दूतावासमा पुग्दा यिनी मानसिक रूपमा बिक्षिप्त अवस्थामा थिइन । गोमालाई यस्तो अवस्थामा पुर्याउने नेपाली महिला दलाल हुन संगिता गुरूङ जो प्रायः दिल्लीमा बस्ने गर्दछिन ।
यी २ महिलासंगै नेपाली दूतावास रियादले अरू ९ जनालाई पनि उद्धार गरी एउटै फ्लाइट ९ँथि म्गदबष्० मा स्वदेश फर्काएको छ । ल्च्ल्ब् साउदी अरबको महिला उद्धार कोषबाट उद्धार गरिएकी यी दुई महिला नवौं र दशौं हुन । पछिल्ला यी २ टिकट खरिद गर्न कोषबाट जम्मा १,३९० साउदी रियाल खर्च गरिएको छ ।
गैर आवासीय नेपाली संघ साउदी अरब उपरोक्त सबै दलालहरू र तिनका सञ्जालहरूलाई समेत पहिचान गरी, पक्राउ गरी कानूनी कार्बाही गर्न गराउन सम्बन्धित सरोकारवाला सबैलाई अनुरोध गर्दछ । नेपालको गाउंघरदेखि भारतको दिल्ली बम्बैसम्म फैलिएको दलालहरूको त्यो सञ्जाललाई ध्वस्त नपार्दासम्म नेपाली चेलीहरूको यो दुर्दशा र बिचल्ली रोकिने छैन । कमसे कम यी पीडित महिलाहरूले नै साविती बयानमा उल्लेख गरेका यी दलालहरूले कानून सजाय पाउन जरूरी छ ।