घुस खाएर पुगेन र ? तलब बढाउनुपर्ने

नेपाल निजामती कर्मचारी सङ्गठनले न्यूनतम तलब रु १५ हजार तीन सय ७५ हुनुपर्ने माग गरेको छ । सङ्गठनले कर्मचारीलाई आधारभूत आवास, खाजा, शिक्षा, स्वास्थ्यलगायत दैनिक गुजारा गर्न कम्तीमा पनि त्यति रकम आवश्यक पर्नेमा जोड दियो । नेपाल सदस्य रहेको अन्तर्राष्ट्रिय श्रम सङ्गठनका अभिसन्धिहरूमा श्रमिकहरूको न्यूनतम तलब उसलाई दैनिक रूपमा आवश्यक पर्ने ‘क्यालोरी’ प्राप्त हुने गरी तोक्नुपर्ने उल्लेख गर्दै सङ्घले त्यो लागू गर्न माग गरेको छ ।

रङ्गशाला बन्यो सुंगुर चरण र शौचालय

सप्तरी । सम्बन्धित निकायको उपेक्षाका कारण सदरमुकाम राजविराजस्थित राज रङ्गशाला अहिले सुँगुर चरण र शौचालयमा परिणत भएको छ । विसं।२०३६ मा तत्कालीन अञ्चलाधीश लक्ष्यबहादुर गुरुङ र स्थानीय बासिन्दाको सहयोगमा निर्माण गरिएको सो रङ्गशाला सम्बन्धित निकायको बेवास्ताका कारण दुर्गन्धित र जीर्ण बनेको हो ।

ठेकी लोप हुने खतरामा

लमजुङ । लमजुङका ग्रामीण क्षेत्रमा परम्परादेखि चलनमा आएका काठका ठेकीको प्रयोग हराउँदै जान थालेको छ । ग्रामीण क्षेत्रमा किसानले दही जमाएर मोही पार्ने र राख्ने सामग्रीका रूपमा ठेकीको प्रयोग हुँदै आएकामा अहिले पशुपालन कम हुनुका साथै ठेकी बनाउने कालीगढको अभाव हुन थालेपछि यसको प्रयोगमा कमी आएको हो । हिजोआज काठको ठेकीको सट्टा प्लाष्टिक तथा धातुका सामान प्रयोग हुन थालेपछि मौलिक गाउँले ठेकी लोप हुने अवस्थामा पुगेको हो ।

ठेकी बनाउनका लागि दार, कटहर, खिर्रोलगायतका

लौ अचम्म ! महतोलाई सत्ता र भत्ताको लोभ छैन रे

नेताहरूमा सत्ता र भत्ताको लोभ छैन भनेर कसैले पत्याउला ? अवश्य पत्याउँदैनन् ।तर, सद्भावना पार्टीका राष्ट्रिय अध्यक्ष राजेन्द्र महतोले यस्तै नपत्याउने गफ दिएका छन् । उनलेआफ्नो पार्टी सत्ता र भत्ताका लागि संविधानसभाको म्याद थप गर्ने पक्षमा नरहेको बताएका छन् ।

छ जोईको पोइ जेलमा बसी रोई

जिल्ला अदालत कञ्चनपुरले छटौँ विवाह गर्ने कञ्चनपुर झलारी–२ सिमलफाँटाका २५ वर्षीय प्रकाश नागरीलाई बहुविवाहको आरोपमा दोषी ठहर गर्दै दुई वर्ष कैद र रु २५ हजार जरिवानाको फैसला गरेको छ । सो अदालतका न्यायाधीश भोजराज शर्माको इजलासले सो फैसला गरेको हो ।

४० प्रतिशत कामदार अभिमुखीकरण तालिम नलिई वैदेशिक रोजगारीमा

मोहन गुरुङ
रोजगारीका सिलसिलामा बिदेसिने कामदारलाई अनिवार्य अभिमुखीकरण तालिम दिने प्रावधान रहे पनि अधिकांश नेपाली कामदार तालिम नलिई विदेश जाने गरेका छन्। करिब ४० प्रतिशत नेपाली कामदार अभिमुखीकरण तालिमबिना विदेश जाने गरेको वैदेशिक रोजगार विभागले जनाएको छ।

९५ हजार अवैध नेपालीले साउदी छाड्न मानेनन्

साउदी अरब सरकारले गैरकानुनी रूपमा बसोबास गर्दै आएका विदेशीलाई आममाफी दिँदै स्वदेश फर्कन अवसर दिए पनि त्यसप्रति नेपालीले त्यति चासो दिएनन्। साउदीस्थित नेपाली दूतावासअनुसार त्यहाँ गैरकानुनी रुपमा बसिरहेका ९५ हजार नेपालीले विभिन्न कारण एम्नेस्टीको उपयोग गरेका छैनन्।

न्यायाधिसहरू पनि भारत परस्त

नेपालको जल जंगल र जमिनमा गिद्देदृष्टि राखिरहेको भारतले यहाँको कानूनमा पनि आफ्नो विस्तारवादको जालो फ्याँक्न सफल भइसकेको छ भन्ने पछिल्लो उदाहरण हो राहुघाट प्रकरण ।

अब शिक्षा पसलेहरूको द्योती खुस्किने

निजी स्कुलहरूले मनेमानी ढंगे शुल्क उठाइरहेको घटना कुनै नौलो होइन । गरिब विद्यार्थीका अभिभावकको ढाड सेक्नबसेका शिक्षा पसलेहरूले विद्यालयलाई शिक्षा प्राप्त गर्ने थो नभइ लुट्ने अखडा बनाएका छन्  सर्वोच्च अदालतले निजी विद्यालयहरूलाई शिक्षा कार्यालयले तोकेको रकमबाहेक जथाभाबी रकम नलिन आदेश त जारी गरेको छ तर धृणित राजनीतिको आडमा अदालतको आदेशलाई द्योती लगाउने काम जारी छ ।

पारस पटके हुने

चितवन टाइगर टप्स गोली काण्डका मूख्य आरोपी पूर्व युवराज पारस शाह ले कागज गर्न चितवन आउन नपर्ने जिकिर उनका कानुन व्यवसायीहरुले गरेका छन् । उहाँलाई आइन्दा गल्ती नगर्ने भन्दै कागज गराएर छाड्न बुधबारमात्रै जिल्ला प्रशासन कार्यालयले आदेश दिएको थियो ।

पत्रकारहरु अदालतमा

अवैधानिक तरिकाले नेतृत्व चयन गरेको भन्दै नौं दिनदेखि आन्दोलनमा उत्रेका यहाँका क्रियाशिल पत्रकारहरुले वैधानिक अधिवेशन माग गर्दै पुनरावेदन अदालत पोखरामा बिहीबार मुद्दा दायर गरेका छन्। नौं दिनदेखि रिले अनसनमा बसेका पत्रकारहरुको तर्फबाट ुउप्रेषण मिश्रित परमादेशको आदेश जारी गरी पाउँु भन्दै मुद्दा दायर गरेका हुन्। आन्दोलनरत पत्रकारहरुको तर्फबाट प्रेस स्वतन्त्रताका सेनानी केशवराज पराजुली र संघर्ष समितिका संयोजक एवं स्थानीय आदर्शसमाज दैनिकका प्रधानसम्पादक कृष्णप्रसाद बास्तोलाले मुद्दा दायर गरेका छन्।

मुद्दामा पत्रकार महासंघ कास्की शाखासहित अध्यक्ष नारायण कार्की र अवैधानिक तवरबाट चयन गरिएका अध्यक्ष बद्रीविनोद खनाललाई विपक्षि बनाइएको छ। पुनरावेदन अदालतले शुक्रबार नै मुद्दाबारे के गर्ने भन्ने निर्णय गर्नेछ।

गैरकानुनी तवरले अधिवेशन बिना गरिएको नेतृत्व चयनको निर्णय बदर गर्नुपर्ने र अधिवेशन बोलाएर नयाँ कार्यसमितिको निर्वाचन गर्न लगाउनु भनी निवेदकको माग छ।

एमालेलाईचरी प्यारो

कुख्यात डन दिनेश अधिकारी उर्फ चरीलाई प्रहरीले पक्राउ गरेको विरोधमा प्रधानमन्त्री झलनाथ खनालको दलका कार्यकर्ताले पृथ्वीराजमार्ग अवरुद्ध पारेका छन्। डन चरी रिहाइको माग गर्दै एमाले कार्यकर्ताले पृथ्वीराजमार्गको मलेखु सडक खण्ड अवरुद्ध पारेका हुन्। अपराधिक पृष्ठभूमिका चरी एमाले धादिङ क्षेत्र नं।१ का उपाध्यक्ष समेत हुन्। चरी सहित ११ जनालाई प्रहरीले हिजो थानकोटबाट पक्राउ गरेको थियो।धादिङमा १७ करोड रुपैयाँको टेन्डर मिलाएर फर्कने क्रममा चरी समूह प्रहरीको फन्दामा परेको थियो। उनीहरुले आफ्नो पार्टीलाई सघाए बापत ३ प्रतिशत रकम पाएको प्रहरी बयानमा जनाएका छन्।पक्राउ परेको चरी समूहबाट प्रहरीले तरबार, खुकुरी र २ गाडी नियन्त्रणमा लिएको थियो।उर्जामन्त्री गोकर्ण विष्टमाथि भएको आक्रमणमा समेत चरी समूहको संलग्नता भएको हुनसक्ने प्रहरी अनुमान छ। उक्त घटनामा प्रहरी खोजी सूचिमा रहेका जोहन गुरुङ चरी समूहबाट पक्राउ पर्नुले प्रहरी शंकालाई बल मिलेको छ।डन चरी सहित पक्राउ परेका सबैलाई महानगरीय प्रहरी वृत्त कालिमाटीमा राखिएको छ।धादिङको खहरे घर भएका चरी एमाले धादिङ क्षेत्र नम्बर १ का उपाध्यक्ष हुन्। त्यही विषयलाई आधार मान्दै एमाले कार्यकर्ताले राजमार्ग अवरुद्ध पारी उनको रिहाइको माग गरेका हुन्।

लोप हुँदैछन् भ्यागुता

रेखाकुसुम रेग्मी
काठमाडौ । गोरखा जिल्लाकी माइली गुरुङ वर्षायाम सुरुसँगै पाहा प्रजातिको भ्यागुतो खोज्न स्थानीय खोलानालामा जाने गर्नुहुन्छ । भ्यागुताको अनुसन्धान गर्न या रेखदेख गर्न उहाँ यसरी जाने गर्नुभएको भने होइन । उहाँलाई यस प्रजातिको भ्यागुताको मासु असाध्यै मीठो लाग्ने भएकाले उहाँ यसरी भ्यागुतोको पछि धाउने गर्नुभएको हो ।

ओलीले खनाललाई नछाड्ने

नेकपा एमालेका नेता केपी शर्मा ओलीले पार्टीको निर्णय विपरीत स्वेच्छाचारीरुपमा अगाडि बढ्ने  जोसुकैलाई पनि कारबाही गरिने बताएका छन् । पार्टीको निर्णय विपरीत काम गरे प्रधानमन्त्रीलाई समेत चुनौती दिइने उनको प्रस्टोक्ति थियो ।

पाइलटहरू हड्तालमा

पाइटलहरूले जारी राखेको हड्तालका कारण एयर इन्डियाका कैयौँ उडानहरू रद्द भएका छन् । पाइटलहरूले लगातार दुई दिनदेखि जारी जारी राखेको हड्तालका कारण गन्तव्यमा जानका लागि टिकट काटेका यात्रुहरूले सास्ती भोग्नु परेको भारतीय विभिन्न सञ्चारमाध्यमहरूले जनाएका छन् ।