मानवतस्करको फन्दामा परेर दूतावासको शरणमा

प्रेम लामा÷दोहा– वैदेशिक रोजगारीको सिलसिलमा दोहा आइपुगेका युवाहरू ठगिएको थाहा पाएपछि दुतावासको शरणमा आएका छन् । बाग्लुङको विहु– ७ का ३६ वर्षिय भीम के.सी र सोही जिल्लाको तारा–७ का राजकुमार दर्जी दुवै जना दोहास्थित एक कम्पनीसँग भएको श्रम सम्झौता अनुसार कम्पनीको श्रीलंकन मालिकले तलव घटाएर काम गर्न भनेपछि सहमत नभएर नेपाली नियोगको शरणमा आएका छन् ।

२ बर्षसम्म बेतलव

२ बर्षअघि बैदेशिक रोजगारयात्रामा निस्केका सिराहा लाहानका राम टहल शाहले यता आएदेखि तलव पाएका छैनन् । रोजगारीका लागि कतार आएका दुई वर्षसम्म पनि तलव नपाएर उनी दूतावासको शरणमा आएका छन् । गाउँकै एजेन्ट अतरहुलले उनलाई दोहा ल्याएका हुन् । एक स्थानीय कम्पनीका श्रीलंकन मालिकले भिषा लगाइदिन्छु भनेर उल्टै पैसा मागेर कम्पनीको परिचय पत्र तथा भिषा नलागई दिएको दुखेसो पनि उनले पोखेका छन् । साथीहरूसँग सापटी गरेर पैंत्तिस सय रियाल दिएको तर भिषा नलगाइदिनुका साथै आईडी पनि नदिएको उनले वताए । पिडीत शाहको पासर्पोट भने कम्पनीको मालिकले नै  राखेको छ । पिडीत शाहलाई नियोगले कागजपत्रहरू तयार पारिदिएर लेवर कोर्ट पठाएको छ ।

नेपाल जाने पर्यटकहरूको संख्या घट्दो

ईश्वर दाहाल÷दोहा– कतारबाट नेपाल भित्रिने पर्यटकहरूको संख्यामा कमी आएको छ । नेपाल पर्यटन वर्षको शुरुवाती तीन महिनाको तथ्याङ्क त्यति सन्तोषजनक देखिदैन । पछिल्लो महिना मार्चमा नेपाल भित्रिने पर्यटकहरूको संख्या घटेर २९ आईपुगेको छ ।

कतारबाट जलविद्युतलाई सहयोग

दोहा– कतारमा उद्योग व्यवसाय सन्चालन गरिरहेका खोटाङको टेम्मा– ९ का ध्यान बहादुर राईले आङ्खनी ममतामयी आमाको नाममा सोही गाउँको ज्यामिरेमा ९ किलो वाट क्षमताको ‘सन्चमाया जलविद्युत आयोजना’ सन्चालन गर्नलाई कतारी रियाल ३० हजार अर्थात ६ लाख नेपाली रुपैया बराबरको आर्थिक सहयोग गरेका छन् ।

डिजिटल नम्बर हटाउने अभियान

चितवन । सवारीसाधनमा डिजिटल नम्बर प्लेट हटाउन जिल्ला ट्राफिक प्रहरी कार्यालय चितवनले विभिन्न कार्यक्रम सञ्चालन गरिरहेको छ । टल्किने र स्पष्ट नदेखिने भएका कारण आपराधिक क्रियाकलाप बढेको भन्दै कार्यालयले डिजिटल नम्बर प्लेट हटाउन लागेको हो । डिजिटल नम्बर प्लेट नभएका र मोटरसाइकल परिवर्तन नगरिएका मोटरसाइकल चालकलाई विशेष पास दिने गरेको ट्राफिक प्रहरी कार्यालय चितवनले जनाएको छ ।

नेपाल भ्रमण उपलव्धीमूलक ः थिन्ले

काठमाडौ । भुटानका प्रधानमन्त्री जिग्मे वाई थिन्लेले आफ्नो नेपाल भ्रमण दुई देशबीचको सम्बन्ध विस्तार र आपसी हितका लागि ज्यादै उपलब्धिमूलक र फलदायी भएको बताउनुभएको छ । तीन दिने नेपाल भ्रमणको अन्तिम दिन पत्रकार सम्मेलन गरी भुटानी प्रधानमन्त्री थिन्लेले नेपालका प्रधानमन्त्री झलनाथ खनालसँग भुटानी शराणर्थी समस्या समाधानका लागि वार्ता पुनः सुरु गर्न तथा दुवै देशको पर्यटन प्रबद्र्धनका लागि भुटानबाट सीधा हवाइसेवा सञ्चालन गर्नेबारेमा छलफल भएको उल्लेख गर्नुभयो ।

माओवादीको स्थायी समिति बैठक अनिश्चित

काठमाडौ। वर्तमान सरकारमा गृहमन्त्रालय पाउनुपर्ने अडान राख्दै आएको सत्तारुढ दल एकीकृत नेकपा (माओवादी)को स्थायी समितिको आज बैठक अनिश्चित भएको छ । पार्टीका शीर्ष नेताहरुले गृहमन्त्रालयको जिम्मेवारी कसलाई दिने भन्ने बारेमा आन्तरिक गृहकार्यमा जुटेकाले बैठक अनिश्चित भएको बताइएको छ ।

घाँसको बीउ बेचेर लखपति

\कञ्चनपुर । वनको बाँझो जग्गामा घाँस रोपेर कञ्चनपुरको झलारी–९ कलुवापुरका समूहमा आबद्ध महिला लाखौँ रुपैयाँ आम्दानी गर्न सफल भएका छन् । सामुदायिक पशु विकास आयोजनाको सहयोगमा चार वर्षदेखि यहाँका ३५ महिलाले ज्वाइन्ट भेज नामको घाँस रोपेर घाँसको उत्पादित बीउ बेचेर मनग्य आम्दानी गर्न थालेका हुन् ।

अग्निपीडितलाई राहत वितरण

म्याग्दी । म्याग्दीको दाना गाविसमा गत चैत १ गते भएको आगलागीबाट पीडित बनेकालाई विदेशमा रहेका विभिन्न संस्थाले रातह उपलब्ध गराएका छन् । फ्रेन्डली ब्रदर्स युके, फ्रेन्डली ब्रदर्स पोर्चुगल, मोना युके र मोना पोर्चुगलले दाना ३ र ४ नं वडाका आगलागी पीडितलाई एकमुष्टरुपमा उपलब्ध गराएको राहत रकम शुक्रबार मोना युकेका प्रतिनिधि योगेन्द्र केसीले वितरण गर्नुभयो ।

रूखलाई साक्षी मानेर एक दर्जन जोडी प्रणय सूत्रमा

सिरहा जिल्लाको सिसवनी गाविसमा प्रत्येक वर्ष वैशाख संक्रान्तिको दिन लाग्ने फूलबारी मेलामा बिहीबार एक दर्जन युवायुवती प्रेमविवाह गरी प्रणय सूत्रमा बाँधिएका छन् । 

इन्धनको संकटकाल

केही दिनदेखि राजधानी तथा देशभरका पेट्रोल पम्पमा इन्धन नभएको सूचना टाँसिएका छन् । जसबाट सार्वजनिक तथा नीजि सवारी साधनका चालकहरु सरकारी पेट्रोल पम्पहरुमा घण्टौं लाइनमा बसन बाध्य भएका छन् । अब सरकारी पेट्रोल पम्पहरुमा पनि इन्धन नपाइने बताइएको छ र देशभर इन्धनको संकटकाल घोषणमा सरकार अगाडी बढ्दैछ भन्ने समाचार सिार्वजनिक भएकोछ ।

अस्ट्रेलियामा चम्किएका नेपाली नर्स

नारायण खड्का 

सिड्नी/दुई वर्षअघि काठमाडौ कपनबाट अध्ययनका लागि अस्टे्रलिया आएकी ममता श्रेष्ठ अहिले यहाँको एक नर्सिङहोममा काम गरिरहेकी छन् । यहाँ पनि नर्सिङकी विद्यार्थी ममताले आफ्नो क्याम्पसको शुल्कमात्र एक सेमेस्टर (६ महिना) को करिब ५ लाख ५० हजार बुझाउनुपर्छ । त्यतिमात्र नभएर आफ्नो दैनिक खर्च र महँगो घरभाडा तिरेर पनि मासिक मासिक १ लाखको हाराहारीमा बचत गर्छिन् । नेपालमा स्टाफ नर्सको अध्ययन सकेर काठमाडौंको ओम नर्सिङ होममा काम गरिरहेकी उनी यहाँ आएर नर्सिङ विषय र पेसालाई नै निरन्तरता दिन पाएकोमा आफू सन्तुष्ट रहेको बताउँछिन् ।

नेताको चाकडी गर्दै एआईजी

नेपाल प्रहरीका भ्रष्ट अधिकृतहरु शान्ति सुरक्षाभन्दा राजनैतिक दलहरुका नेताहरुको घरमा चाकडी गर्न पुगेका छन। प्रहरी प्रशासन शान्तिसुरक्षा मजवुत पार्नुको प्रहरी चेन अफ कमाण्डका हाकिमहरुका नेताको चाकडी गर्दै आईजिपीका खिलापमा उत्रिएको समाचार प्राप्त भएको छ।

खाडी हिंडेका दुई सय सात महिला हराए

श्रृजना आचार्य नेपालगन्ज,–आफ्नो छोरीको खोजि गरीदिन भन्दै साथमा लिएर गएका दलालसंग गुहार्न जांदा बर्दिया सानो श्री बाह्र नम्बर गाउंकी तुलसी बाठाले दलालकै हातवाट कुटाई खान पर्यो । कुबेत लैजान भन्दै छोरीलाई घरवाट लिएर गएका दलालले बेपत्ता पारेपछि तुलसी छोरीको खोजिमा चार वर्ष देखि भौतारीएकी छन् ।

दूतावासका कर्मचारीमाथि गोली प्रहार

पाकिस्तानी दूतावासका एक कर्मचारी मेहबुब आसिसमाथि काठमाडौँको महाराजगञ्जस्थित बसुन्धारा पुलमा गोली प्रहार भएको छ ।  दूतावासको भिसा शाखामा काम गर्ने आसिसमाथि अज्ञात  बन्दूकधारीले आज बिहान चार राउन्ड गोली प्रहार गरेको काठमाडौँ प्रहरी परिसरका प्रवक्ता  डीएसपी केदार ढकालले जानकारी दिए।  आसिसको अहिले शिक्षण अस्पताल, महाराजगन्जमा उपचार भइरहेको छ। उनी बोल्न र घटनाबारे जानकारी दिन सक्ने अवस्थामा रहेको प्रहरीले जनाएको छ। कसले र किन गोली प्रहार गर्‍यो भन्ने बारे थाहा हुन सकेको छैन। प्रहरीले यस विषयमा अनुसन्धान गर्दैछ।