मलेसियामा दश दिनदेखि खड्का गायब

पेनाङ । झिम्टे–४, का ३५ वर्षीय ताराप्रसाद खड्का अप्रिल ११ देखिरहस्यमय तरिकाले हराइरहेका छन् ।  खड्का Eng Technology Sdn.Bhd. बायानलेपास, पुलाउ पेनाङमा कार्यरत थिए । उनी एक वर्ष अघि मात्र कोशी म्यानपावर, क्षेत्रपाटी काठमाडौं मार्फत उक्त कम्पनीमा आएका हुन् । उक्त दिन पेट दुखेको छ भनेर  ड्युटीमा नगई खड्का होस्टेलकोमै बसेका थिए । दिउँसो क्लिनिक जान्छु भनेर निस्किएका खड्का त्यस पछि होस्टेल फर्किएका छैनन् । खड्काका सहकर्मी राजेश प्रवाहले  दिएको जानकारी अनुसार उनले आफ्नो शरीरमा लगाएको एक जोर लुगा, एक जोर सामान्य चप्पल र कम्पनीको परिचय पत्र बाहेकको सबै सामान होस्टेलको आफ्नो कोठा मै छाडेर गएका छन् । खड्काले आफ्नो मोवाईल, पर्स र मलेसियन रिङ्गेट ३०० कोठा मै छाडेका छन् । खड्काका अर्का सहकर्मीका अनुसार उनमा कुनै गम्भीर स्वास्थ्य समस्या थिएन ।  खड्काको कोही कसै सँग रीस इवी पनि नभएको उनले बताए ।
खड्काको मलेसियामा रहेका र थाहा भएसम्मको सबैलाई सम्पर्क गर्दा पनि उनी भेटिएका छैनन् । कम्पनीका सहकर्मीहरुले खोजीको प्रहरीलाई खबर गरेका छन् । साथै कम्पनीले पनि आफ्नै तर्फबाट खोजी जारी राखेको  बताएको छ ।

भगवान संकटमा !

साईबाबाको स्वास्थ्य अवस्था निकै नाजुक भएको उहाँको स्वास्थ्य उपचारमा संलग्न चिकित्सकले जनाएका छन् । आन्द्र प्रदेशको एक अस्पतालमा उपचाररत साई बाबाको अवस्था झन नाजुक भएकोले उहाँलाई भेन्टिलेटरमा राखेर उपचार गरिएको ती चिकित्सकले जानकारी दिए ।

लौ अब यस्ताले संविधान बनाउने रे !

मुलुकले जेठ १४ भित्र संविधान पाउने  छाँटकाट छैन । सत्ताको लुछाचुँडीले संविधान टाढाको बाटो भइसकेको छ । जनताले फोकटाँ ६ सय १सेतो हात्ती पाल्नुपरेको छ ।

कता जालान् अब ल्यारक्याल लामा

विवादमा परेका अर्थ राज्यमन्त्री ल्यारक्याल लामाले आज पदबाट राजीनामा दिएका छन् । आज सिंहदरबारमा पत्रकार सम्मेलन गरी आफूमाथि रहेको विवादको बारेमा छानबीनका लागि सहयोग गर्न राजिनामा दिएको बताए । लामामाथि नेपालसहित विभिन्न तीन देशको नागरिकता लिएको तथा स्वतन्त्र तिब्बत आन्दोलनमा सहभागी भएको आरोप लागेको छ । तर उनले भने त्यसलाई अस्वीकार गर्दै आका छन् । आफ्नो लिखित वक्तव्य पढेर सुनाउँदै पत्रकार सम्मेलनमा लामाले आफूमाथि लागेको आरोप चरित्र हत्या गर्ने प्रयासस्वरुप भएको दाबी पनि गरे ।
लामा राजीनामापछि कहाँ जालान् भन्ने चर्चा यतिखेर व्यापक चलेको छ । केहीले लामा हिमाञ्चल जाने अनुमान गरेका छन् भने केहीले बेइजिङतिर लाग्न सक्ने आशंका गरेका छन् ।

अर्थराज्यमन्त्री लामाले राजीनामा बुझाए

८ वैशाख, काठमाडौं । विवादित अर्थ राज्यमन्त्री ल्हारक्याल लामाले बिहीबार बिहान प्रधानमन्त्री समक्ष राजीना दिएका छन् । उनको राजीनामाबारे केही समयपछि औपचारिक जानकारी गराइने प्रधानमन्त्रीका मुख्य सल्लाहकार प्रकाश ज्वालाले बताउनु भएकोछ ।

लामाले वालुवाटर नै पुगेर प्रधानमन्त्रीलाई राजीनामा बुझाएको पनि जानकारी दिनुभयो । विभिन्न विवादित गतिविधिमा संलग्नता देखिएपछि एमालेका नेताहरुले लामालाई राजीनामाका लागि दवाव दिएका थिए भने संसदको राज्यव्यवस्था समितिले प्रधानमन्त्रीसँग जवाफ मागेको थियो ।

विराट ओभरसिजका सञ्चालक फरार

इलाम । इलाम बजारको एक घरमा कार्यालय स्थापना गरेको विराट ओभरसिजका सञ्चालक फरार भएका छन् । हिमालय कर्मचार्यको घरमा कार्यालय रहेको ओभरसिजका सञ्चालक सुबोध पौडेलले ४÷५ महिनाको घर भाडा बापतको रकम समेत नतिरी फरार हुनुभएको हो ।

मेनपावर र मेडिकलको ठगी, विभाग मौन

विश्वका कुनै पनि मुलुकमा लुट्न छुट छैन र यस्तो धन्दा गरेको पाइएमा कानुनी कारबाही हुन्छ। । नेपालमा पनि कानुनी रुपमा लुटधन्दा गर्न पाइँदैन तर हरेक तह र तप्कामा लुटको धन्दा चलाउनेहरूको विगविगी नै छ ।
यसमा पनि वैदेशिक रोजगार व्यवसायमा लुटिखानेहरूको संख्या बढी छ । वैदेशिक रोजगार विभागमा तीस लाख धरौटी राखेर लिएको अनुमतिपत्रलाई लुटको लाइसेन्स ठान्नेहरूले गरिब, सोझा, बेरोजगार युवाहरूलाई हाकाहाकी लुटिरहेका छन् ।

संविधान नबने नेता थुनिने

काठमाडौ । नेकपा एमालेका युवा सभासदहरूले जेठ १४ सम्ममा नयाँ संविधानको एकीकृत मस्यौदा नआए नेताहरूलाई कोठाभित्र थुन्ने चेतावनी दिएका छन् । उनीहरूले संविधान जारी गर्न नसकिएपनि जेठ १४ मा संविधानको पहिलो मस्यौदा तयार नभए संविधानसभाको म्याद थपगर्ने वातावरण नबन्ने भन्दै नेतृत्वलाइ सचेत गराएका हुन । वरिष्ठ नेता एवं संवैधानिक समिति अन्तर्गत विबाद उपसमितिका सदस्य माधवकुमार नेपाललाइ भेट गरी सभासदहरूले संविधान निर्माण प्रक्रिर्यालाइ गतिदिन आग्रह गरेका हुन ।
त्यसअबसरमा नेता नेपालले जेठ १४ मा संविधानको पहिलो मस्यौदा सार्बजानिक गर्नकालागिपनि दवाब सृजनागर्न सभासदहरूसंग आग्रह गर्नुभएको भेटमा सहभागी सभासद पद्मा अर्यालले जानकारी दिनुभयो ।

रहदानी व्यापारी सभासद

सभासद गायत्री साह र विपी यादव पक्राउ पर्नुभएको छ । रातो पासपोर्ट दुरुपयोग गरेको अभियोगमा उहाँहरूलाई प्रहरीको अपराध अनुसन्धान विभागको टोलीले पक्रेको हो । हनुमान ढोकामा राखिएका सभासदहरूलाई राहदानी दुरुपयोग ऐनअन्तर्गत मुद्दा चलाउने तयारी प्रहरीले गरेको छ ।

श्राद्ध गर्न पाउने कि नपाउने

६ सय १ जना सभासदको श्राद्ध गर्दैहिंडेका बर्दिया गुलरियाका राकेशकुमार शर्मालाई प्रहरीले बुटवलबाट पक्राउ गरेको छ । बुटवलको मिडियाचोकमा ६ सय १ जना सभासदहरूको कार्टुनसहितको ११ महिने मासिक श्राद्ध गर्नेक्रममा प्रहरीले पक्राउ गरेको हो ।

विद्युत आपूर्ति बन्द गराइ पाउँ

भारतीय हत्याराले फसायो नेपालीलाई

हत्याको अभियोगमा संयुक्त इमिरेट्सको अदालतबाट मृत्युदण्ड सजाय सुनाईएका दार्चुलाका अमरबहादुर बमले जीवन रक्षाको पहल गरिदिन माग गरेका छन् । उनले आफू निर्दोष रहेको दावी गर्दै जीवन रक्षाका लागि पहल गरिदिन सरकारसँग माग गरेका हुन् । भारतिय नागरिक शरद सेट्टीको हत्या आरोपमा बम झण्डै आठ बर्षदेखि दुवईको जेलमा बन्दी जीवन बिताईरहेका छन् । पैसा कमाउन भारत गएका उनी सन् २००३ मा दुवई पुगेका थिए ।

चौधरी र श्रेष्ठको परिवारले राहत पाउलान् त ?

कुवेत । गत हप्ता कुवेतको सुवियास्थित काम गर्दा गर्दै आफैले चलाएको सवारी अचानक ठोकिएर जल्दा ज्यान गुमाउन पुगेका चितवन मेघौलीका हिरामणी चौधरी र खोटाङ लामीटारका शेखर श्रेष्ठको परिवारलाई राहत उपलब्ध गराउने विषयमा नेपाली दूतावास, कम्पनी प्रतिनिधि, एजेन्ट रामचन्द्र सुवेदी र रिजनल गेट कम्पनीमा काम छोडेर बसेका कामदारबीच मौखिक सहमति भएको छ ।

इजरायलमा रहेका केयरगिभर कामदारहरूमाथि वज्रपात

इजरायल सरकारले करिव दुई दशक अघिदेखि विदेशी कामदारहरूको लागि विभिन्न मुलुकहरूबाट केयगिभरको भिषा उपलव्ध गराई कामदार भित्राउन शुरूवात गरेको थियो । इजरायल सरकारले विदेशी कामदारहरूको प्रेवशदेखि नै केयरगिभरको रोजगारीलाई दिनप्रतिदिन अझ कठिन बनाउँदै गइरहेको छ । शुरूमा विदेशी कामदारहरू इजरायल प्रवेश गर्दा यहाँको रोजगारीलाई अरू मुलुकहरूभन्दा केही उत्तम मानिदै आइरहेको थियो भने गक्ष अनुसारको कमाइ भएकोले पनि इजरायल प्रवेश गर्नेहरूको ठूलै भीड हुने गर्दथ्यो र हाल पनि छ ।

अझै ६ महिना पाल्नुपर्ने भो सेतो हात्ती

यहि महिना म्याद सकिए पनि नेपालका लागि भारतीय राजदूत राकेश सूद कम्तिमा अझै छ महिना नेपालमै रहने भएका छन् । नेपालका लागि नयाँ राजदूतमा नियुक्ति गरिने भनिएका जयन्त प्रकाशले छिट्टै अवकास पाउने भएकाले नयाँ राजदूत नियुक्ति नभएसम्म सूद नै रहने लगभग पक्का रहेको भारतीय दूतावास निकट स्रोतले बतायो ।