फेरि नेपालीलाई दोष

संयुक्त राष्ट्रसंघको शान्ति मिसन अन्तर्गत खटिएको नेपाली सेना हाइटीमा हैजा फैलनुमा प्रमुख दोषी रहेको एक अध्ययनले देखाएको छ ।

हाइटीमा हैजाका कारण कविर पाँच हजार पाँच सय जनाको मृत्यु भएको थियो ।
अमेरिकाको सेन्टर फर डिजिज कन्ट्रोलले प्रकाशित गरेको नयाँ प्रतिवेदनमा नेपाली सेनाका कारण हैजा फैलिएको बलियो प्रमाण फेला परेको दाबी गरिएको छ । हाइटीमा फैलिएको हैजा अत्यधिक खतरनाक रहेको प्रतिवेदनमा औँल्याइएको छ ।
सन् २०१० को जनवरीमा गएको भूकम्पपछि हाइटीमा देखिएको यो डरलाग्दो प्रकोप भएको प्रतिवेदनमा उल्लेख छ । भूकम्पमा भने तीन लाख मानिसको ज्यान गएको थियो भने राजधानी पोर्ट औ प्रिन्स पूर्णरुपमा ध्वस्त भएको थियो ।