हिराचनको भविष्यवाणी

गैरआवासीय नेपाली संघका अध्यक्ष देवमान हिराचनले अर्को कार्यकालका लागि पनि अध्यक्षको उम्मेदवारी दिने तयारी गरेका छन् ।

हिराचनले भने, काम देखाउन दुई वर्षको कार्यकाल त्यत्ति लामो समय होइन, साथीभाइले अर्का एक कार्यकाल तपाईं नै अध्यक्ष बन्नुपर्छ भन्ने दबाब आएकाले पुनः अध्यक्षको उम्मेदवार बन्ने तयारी गरेको हुं ।
तपाईंको कार्यकालमा एनआरएन ओझेलमा पर्‍यो नि भन्ने जिज्ञासामा अध्यक्ष हिराचनले भने, यो सरासर गलत कुरा हो । यो १८ महिनाको छोटो अवधिमा तीन दर्जनभन्दा बढी काम भइसकेका छन् । त्यत्तिकै संख्यामा परियोजनाहरु पाइपलाइनमा छन् । खुल्ला विश्वविद्यालयको अवधारणा, इ(लाइबेरी, दोहोरो नागरिकता, म्युचियल फण्ड यसका उदाहरण हुन् । अध्यक्ष हिराचनले भने, देशको राजनीतिक परिस्थितिले पनि काम गर्न असजिलो भयो ।
केही कमीकमजोरी भए पनि नेपाल सरकारले एनआरएनलाई दिएको परिचयपत्रले पनि फाइदा पुगेको अध्यक्ष हिराचनले बताए । तर त्यसमा केही कमिकमजोरी रहेको उनले स्वीकार गरे । दोहोरो नागरिकतामा नेपालका राजनीतिक दलहरु पनि सकरात्मक रहेकाले त्यसलाई स्वागतयोग्य भन्नुपर्ने अध्यक्ष हिराचनको कथन थियो ।
एनआरएन युकेसग केही असमझदारी भएको थियो, तर त्यो अहिले छैन । प्राध्यापक डाक्टर सूर्य सुवेदीसग भेटर असमझदारी हटाइसकेको अध्यक्ष हिराचनले बताए । हिराचनले भने, म प्रवाशमा गैरआवासीय नेपालीहरुको संख्या बढाउने पक्षमा छैन । स्वदेशमै रोजागरी सिर्जना गरेर एनआरएनको संख्या घटाउनुपर्छ भन्ने कुराको पक्षपाती हु । एनआरएनबाट पूजी मात्र होइन, ज्ञान, बुद्धि र सीप पनि भित्रन सक्छ, अध्यक्ष हिराचनले भने ।
मध्यपूर्वको समस्या गैरआवासीयका लागि जटिल बन्दै गएको अध्यक्ष हिराचनले स्वीकार गरे । मध्यपूर्वमा एनआरएनको टोपी लगाएर नेपालीले नेपालीकै शोषण गरेको अवस्था छ, त्यसको अन्त्यका लागि पाचौं विश्व सम्मेलनले अन्त्यका लागि पहल गर्ने अध्यक्ष हिराचनले बताए । एनआरएन पदाधिकारीलाई बाइपास गरेर आफू एक्लौटी ढंगले नचलेको उनले बताए । उनले भने, व्यक्ति केही पनि होइन, एक्लो हिराचनले केही गर्न सक्दैन । सबै साथीहरुको सहयोग र सल्लाहमा एनआरएन अघि बढेको छ ।